ՋՐԻ ՀԱՏԱԿԻՆ

Սա իրական ֆիլմաշար է. կարճամետրաժ ֆիլմերի հավաքածու, որ մեզ պատմում է, թե ինչն է մեզ իրար կապում երկիր մոլորակի վրա: Ֆիլմը ուսումնասիրում է մեր մոլորակի օվկիանոսների, ծովերի, լճերի, ջրամբարների և ջրափոսերի հատակները և պղտոր ճողփյունով մեզ հայտնում, որ մենք բոլորս նույն թաց ընդհատակից ենք սերում: Ըստ հերթականության (նախաբանում պատմվում է Սևանա լճի մասին Հայաստանում), ներկայացվում է Բայկալը՝ Ռուսաստանում, Բահրեյնը, Նեգոմբո ափը՝ Շրի Լանկայում, Սարանդեն՝ Ալբանիայում, Դարամշալան՝ Հնդկաստանում, Սպիտակ լիճը՝ Մոնղոլիայում, Բեռլինը՝ Գերմանիայում, Կերալան՝ Հնդկաստանում, Լոմեն՝ Տոգոյում, Շրինագարը՝ Հնդկաստանում, Պապիգոն՝ Հունաստանում, Ինլե լիճը՝ Միանմարում, Կո Չանգը՝ Թայլանդում: